أثارت الإعلامية ياسمين عز، الجدل من جديد، من خلال تصريحاتها الموجه للسيدات عبر برنامج «
كلام الناس» الذي يعرض على قناة «إم بي سي مصر»، قائلة: «لو قاعدة جنب جوزك فرعونك ماتتنفسيش وهو بيتنفس، عيب تتنفسي وجوزك بيتنفس في نفس الوقت».
تصريحات ياسمين عز
أضافت ياسمين عز: «هل معنى كلامي إنك تكتمي نفسك وتموتي مكتومه، لا بعد الشر عليكي.. قصدي أن لما جوزك يكون متعصب وصوت نفسه عالي من العصبية متتنفسيش إنت كمان وتنفخي بصوت عالي جنبه».
وتابعت «عز»: «حاجة كمان لو انتوا قاعدين مع بعض بتتسامروا، مينفعش تقومي فجأة من جنبه في نص كلامه وتمشي من غير أذن وتروحي الحمام.. الحمام مش أهم من جوزك يا مدام».
أضافت ياسمين عز: «أنت ممكن تستنيه لما يخلص كلامه، ولو مستعجلة ممكن تقوليله بلطف من غير ما تقطعي كلامه حبيبي هروح أعمل حاجة وجايه، أو هروح أغسل إيدي عشان حاسة إنها محتاجة تتعطر شوية».
