تحدث المخرج
بيتر ميمي عن فكرة أحداث مسلسل بالطو، الذي يعرض حاليا على منصة واتش أت، وشارك بوست علي صفحتة الشخصيه موقع التواصل الإجتماعي فيس بوك قائلا: «أنا أستلمت تكليف سنه2012علي أساس أني طبيب ثالث في إحدي الوحدات الصحية بالبدرشين».
بيتر ميمي والوحدة الصحية وأضاف بيتر ميمي: «الوحدة كان فيها تصدع في المبنى وكنا في أضتين حرفيا تبع الجمعيه الشرعية وللأسف الطبيب الثاني كان عنده أمتحانات ماجستير وخد أجازه،الطييب الأول ومدير الوحدة كان زهق من الليلة كلهاوراح مستشفي تانية، وبعد أسبوعين في الوحدة لاقين نفسي مدير الوحدة ومفتش الوحدة وأنا عندي 24 سنة».
وتابع ميمي: «كان بيعدي عليا حاجات غريبة مره واحدة دخلت عليها قرصها وجايبة في أيديها العقرب، ويوم جالي واحدة مشربة بنتها اللي عندها أسبوعين لبن جاموسة، ومرة روحت أعين جثة وأطلع شهادة وفاة والجنازه أكنك في فيلم الهروب».
بيتر ميمي وتعرضه للقتل وكشف المخرج بيتر ميمي عن تعرضه لموقف مشابه بفيلم بوحة، قائلا: «ومرة واحدة اتخانقت مع أهل مريض والممرضة قالتلي متجيش بكرة، علشان دول ناس صعبه ممكن يقتلوك!، ومره عيان لأقاني بدور على المشرط فخرجلي موس من بقه وقالي اشتغل بده!، ومرة حد ضرب حد سكينة، وأهله مسكوني ضربوني أنا علشان مش لأقيين الواد اللي ضربه بالسكينة!، ده اضربت ضرب مخدهوش جدي في فيلم بوحة».
