تحدث الفنان
أحمد آدم ، مساء اليوم السبت، عن الفنان تامر حسني
قائلاً: "تامر حسني مين، مش واخد بالي، مش كفاية عليه كده بقى، ولا أيه مش عارف".
وأضاف أحمد آدم خلال برنامجه «آدم شو»، على قناة الحياة: "خلاص بقى يعني، شويتين وخلصوا، أول ما طلع فتح القميص، وشوية أغاني تعبانة كلامها ركيك، يعني إيه أكتر حاجة بحبها فيكي هي دي، طيبة قلبك، إسفاف وأفلامه وحشه جدا".
أحمد آدم يسخر من تامر حسني
وتابع: "هو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر وبيعمل كل حاجة، وهو اللي بينتج.. أنت مغني ولا كوميديان ولا مونولوجيست ولا إيه بالظبط، كفاية عليك كدا يا تامر عشان أنا خلاص مش عايز أجيب سيرتك تاني".
أحمد التهامي يعتذر لتامر حسني
وكان الفنان أحمد التهامي قد قدم اعتذار لصناع فيلم "تاج"، وعلى رأسهم النجم تامر حسني، بعد أن اتهمهم بسرقة فكرته، وذلك من خلال منشور له عبر حسابه الشخصي على موقع التواصل الاجتماعي «فيسبوك».
وكتب أحمد التهامي عبر المنشور: "توضيح هام، أحب أوضح سوء التفاهم اللي حصل بخصوص البوست بتاعي اللي كتبته بخصوص فيلم تاج اللي أتفهم غلط لأن أي حاجة كتبتها على صفحتي لازم برده أوضح وأرد على صفحتي، وأنا لم أقصد أن أوجه أي إساءة أو هجوم على النجم تامر حسني أو على أسرة فيلم تاج ولا للشركة المنتجة، بالدليل أنا قولت تامر أخويا وحبيبي ولكن كل ما بدر مني أني قولت إن فكرتي ممكن تكون تداولة في الوسط الفني دون معرفة أي طرف انها تخصني".
وتابع التهامي: "تامر وصناع الفيلم لم يكن لديهم علم بأي حاجة عن فكرتي وهذا ما أوضحه أمام الجميع أنا كنت عاوز أقول إن كان ليا السبق في تقديم نفس فكرة التوأم الخارق لشركات إنتاج أخري ولم تنفذ، ولكن تامر مبدع وشاطر وممكن تتشابه الأفكار ولكن التناول والطرح مختلف وأنا من محبين تامر جدا على المستوى الشخصي والفني والإنساني لإنه ناجح وإنسان محترم".
