صرحت
حورية فرغلي أنها خضعت لـ 27 عملية تجميل على مدار 8 أعوام، وذلك في لقائها مع المذيعة إيمان الحصري، على قناة «دي أم سي» وقالت:«اللي مش عاجبه أي حاجة فيا يبص الناحية التانية مايبصليش، أنا مبسوطة بنفسي، خدت ثقة في نفسي خلال المرحلة التي مريت بيها، أخذت ثقة غريبة».
تصريحات حورية فرغلي عن حالتها المرضية
وأضافت حورية فرغلي :«"من سنين مكنتش عارفة أشم، مكنش في فرق بين العيشة والموت، كان نفسي أموت، مكنتش عايزه أعيش، لأنه كان في كورونا والدكتور اللي كان مفروض يعالجني كان متواجد فى أمريكا، والسفارات كانت مغلقة، ومكنتش عارفة أسافر».
تابعت حورية فرغلي: «أنا بحمد ربنا على كل حاجة حصلتلي الفترة الماضية، و تقربت لربنا وبصلي وبقرأ قرآن، وكنت حاسة أن في حاجة مش طبيعية، الدنيا كانت نقطة سودا، حسيت أن جالي اكتئاب».
اهتمام حورية فرغلي بجمالها
حورية فرغلي كانت ملكة جمال مصر وقالت في هذا الصدد: «أنا كنت بهتم بشكلي وجسدي، لأن كنت ملكة جمال مصر ومن الطبيعي، أن أركز بشكل كبير على جمالي، الجمال نسبي، الجمال الحقيقي و جمال الروح الحلوة والدم الخفيف».
يذكر أن حورية فرغلي قدمت مسسل «أيام وبنعشها» بطولة ندى موسي، شيري عادل، ريلض الخولي، سلوي خطاب،محمود حجازي، حجاج عبد العظيم، تأليف سامح الحريري، إنتاج صادق الصباح، إخراج محمد أسامة.
