ظهرت النجمة
ساندي في برنامج ورا الشمس على قناة الشمس، وهي تتحدث عن خلافها مع النجم تامر حسني قائلة: «تامر جدع جدا زمان أختلافنا بس مكنش قصدي والله، أني أختلف هو زمان رشحني للفيلم بتاعه، وقال أنه مرشحش حد وان الصراحة الصحفي استفزني وقال أنه أنكر روحت قولتله يبقى مريض نفسي، فنزل الخبر ساندي بتقول تامر حسني مريض نفسي، بس أنا قولت لو هو قال كدة فعلا يبقي مريض نفسي».
نور عيني سبب خلاف ساندي وتامر حسني وبسؤال ساندي ما هو الفيلم الذي كانت مرشحه له صرحت: «فيلم نور عيني كان بيقنعني بالدور، ووائل إحسان مكنش عايرني أمثل الدور ده وكان شايف أنه محتاج حد أتقل، لأن أنا كنت لسه جديدة لسه عامله اغنيتين، وهو تامر كان شايف فيا حاجه مهمة».
وتابعت: « بعد تست الكاميرا قولتله بص يابن الناس نصيحه مني لمني زكي يا منه شلبي والله العظيم ده حصل هو يقول، قالي لا والله أنا شايف أنك انتي شيبه الشخصية».
صلح ساندي وتامر حسني وعن تصالحهما معا علقت: «أتقابلنا في عيد ميلاد وليد منصور، قالي انتي ليه عملتي كده، قولتله معرفش كنت مضايقة منك الصراحه، واتصالحنا وقالي انا شايفك تامر حسني في البنات، بس هو جميل جدا».
يذكر أن فيلم «تاج» شهد عددا من الأزمات، من بينها اعتذار الفنانات عن المشاركة في البطولة، ومن المقرر أن ينطلق التصوير خلال الفترة المقبلة،وهو من بطولة تامر حسني، بيومي فؤاد، وساندي، وتواصل الشركة المنتجة التعاقد مع باقي الأبطال المشاركين في العمل، والعمل من تأليف تامر حسني، وإخراج سارة وفيق.
ويجسد تامر حسني في فيلم «تاج» شخصيتين لأخوين توأمين هما تاج وهارون، وتدور الأحداث في إطار من الكوميديا والفانتازيا.
