استضافت الإعلامية ياسمين عز في برنامجها "كلام الناس" الفنان بسام رجب، الذي يكشف خلال الحلقة عن قصص وأسرار عديدة يحكيها لأول مرة بعد فترة طويلة من الغياب، كما يكشف عن موهبة ابنته وبداية دخولها مجال التمثيل.
ياسمين عز تتحدث عن ابنة بسام رجب
وقال بسام رجب خلال لقاءه مع ياسمين عز في برنامجها "كلام الناس"، المذاع عبر شاشة قناة "ام بي سي مصر": "فريدة عملت مسلسل مع نيللي كريم وتقريبًا خلصوا تصوير، وأنا مليش أني أقولها تعمل أي، هي حابه خليها تجرب وتشوف هي حابه تكمل وتستمر ولا لا، لكن أقولها تعمل أي ومتعملش أي أنا مبعملش كدا".
وأضاف عن دخولها التمثيل بواسطة: "يمكن حضرتك أول حد يعرف أن بنتي بتمثل، والمسلسل اللي عملته محدش عرف إن دي بنتي، وهي بتصر على ده وأنا بحترم ده فيها جدًا، لأنها عاوزة تثبت نفسها بنفسها".
بسام رجب ودخول ابنه الوسط الفني
وتابع: "أنا مش هقول ده مسلسل أيه، ولكن أتمنى لما يتعرض المسلسل الناس تشوفها بشكل كويس، وإن شاء الله تبقى كويسة، وأهم حاجة تكون حابه اللي بتعمله، طالما حابه اللي بتعمله ليه لا".
