كشفت الدكتورة ميرفت
أبو عوف مديرة القسم الإعلامي بالجامعة الامريكية بالقاهرة، شقيقة الراحل عزت أبوف ومها أبو عوف، عن تفاصيل ظهور روح رجل الأعمال المعروف سلفادور شيكوريل في المنزل الذي كانوا يمكثون فيه.
ميرفت أبو عوف تروي قصة بيت العائلة المسكون
وقالت ميرفت أبو عوف خلال لقائها في برنامج "الستات مايعرفوش يكدبوا"، المذاع على شاشة قناة "النهار": "سليفادور ده صاحب سلسلة محلات شيكوريل واتقتل في المنزل، احنا مكناش نعرف انه اتقتل، وأبويا كان راجع من الحرب ومعندوش أي فكرة عن الأشباح".
وأضافت: " قالوله فيه حد كان ساكن قبلك وقال إنه كان بيشوف أشياء ملهاش تفسير، رد عليهم وقال بلاش تهريج وأخد البيت، والدتي كان عندها القابلية إنها تشوف حاجات غريبة، وفي الآخر جبنا شيخ وقرأ قرآن وانصرف، لكننا فضلنا سنين طويلة بالوضع ده".
بيت عائلة أبو عوفوتابعت: "البيت ده كان معروف أنه من بين أشهر 100 بيت مسكون، لكن احنا خايفين لإننا مكناش مصدقين، الوحيدة اللي كانت بتشوفه في الأول هي والدتي، بعد كده إخواتي عزت ومها ومنى شافوه، لكن أنا ومنال شوفنا حركات أكتر ما شوفنا أشباح".
واختتمت: "أنا شفت وشوش على زجاج، كنت في أوضة كلها زجاج وشوفت زي ما يكون حد حاطط وشه على الزجاج، وكنت بزعق وأقول بس هقول لماما".
