ظهرت الفنانة والراقصة دينا في بعض اللقاءات الصحفية وتحدثت عن رأيها في المذيعة
ياسمين عز، وعن بعض تصريحاتها، علقت، قائلة: «دي جريمة يعاقب عليها القانون بجد اللي هي بتقوله، لأن أنا بشوف إن ده تخريف، كل اللي بتقوله ده تخاريف الصراحة، إيه اللي هي بتقوله ده اساسا هي تفهم ايه عن علاقة الراجل بالست، مش شيفاها فاهمه حاجه انا شايفة واحدة بتطلع تستفز الناس وتستفز الستات وتمشي علشان تطلع تريند».
تصريحات دينا عن ياسمين عز
وتابعت دينا تصريحاتها عن ياسمين عز: «أنا شايفه إنها تشتغل علي السوشيال ميديا، مش شايفة إنها تبقى مذيعة في قناه بتمثل مصر، ده مش إعلام مصر، إحنا عندنا إعلاميين مثقفين بيطلعوا يعملوا برامج الناس تتفرج عليها».
واستكملت حديثها عن رأيها في بعض تصريحات ياسمين عز قالت:«أنا شخصيا مستعجبه جدا منها، هي كل حاجه بتقولها تستغرب عليها انا مش بسمعها الصراحه لانها مستفزه سمعت حاجتين كده اولا هي كوميديه جدا بنسبالي الكلام كوميدي جدا فبيضحكني واستفزازي».
وعن مقولة ياسمين عز أن الزوجة يجب أن ترتدي حذاء في قدمها عندما تتحدث مع زوجها علي الهاتف لأن الكلام بيطلع من القدم وليس من القلب علقت متعجبه : «هو في حد بيقول كده يعني هو أثبت علميا إن لو أنت حافي الكلام مش هيخرج من القلب، الكلام بيطلع من الحنجرة، هي على ما تفرج على ما تشوفلها جوازه تشوفلها حل يمكن بتقول كده نفسها تتجوز ما انا مش لاقيلها سبب».
