حلت النجمة
علا غانم ضيفة في برنامج العرافة مع الإعلامية بسمة وهبة وأدلت ببعض التصريحات عن ازمتها مع طليقها، أكدت الفنانة علا غانم على أنها كانت تكذب حين صرحت في لقاء سابق لها باهتمام طليقها الأخير المفرط بها.
تصريحات علا غانم في العرافة
حيث قالت علا غانم في برنامج العرافة: "كنت بكذب، جدا، عشان أنا عايزة طول الوقت اطلع بصورة معينة، كنت بقول اللي بيرضي المجتمع والناس، أنا بعتبر نفسي ست قوية، مبحبش الحياة الخاصة أنها تبان، أنا هنا في مصر من شهر ١٠ ومحدش حس بوجودي.
وفي الحلقة ذاتها، أبدت علا غانم انزعاجها الشديد من عرض مقطع فيديو لطليقها الأخير بالحلقة، وقالت: أنا عندي مشكلة انك تحطي الفيديو وانا قولتلك أني مش عايزة اشوفه، ليه مطلقتش بسكوت وبشياكة، دي شرشحة فضايح، وأنا مش هنزل لهذا المستوى المتدني.
تصريحات علا غانم
وأستكملت: أنا كنت بديله فلوس مقابل الشغل اللي بيعملهولي، وهو أصلا معندوش فلوس، وهو ولا امريكاني ولا خالي من العقد، هو من السيدة زينب وعنده اولاد مصريين وأمريكان.
وتابعت: والمشاكل حصلت من أول كام شهر جواز، وكان بيقولي طب أنا هروح فين وكان بيصعب عليا، في مرة تم اختلاس بمبلغ ٢٧٠ ألف دولار من الشركة.
السبب وراء سفر علا غانم لأمريكاوكشفت الفنانة علا غانم عن السبب وراء سفرها إلى أمريكا طوال الفترة الماضية، وذلك خلال لقائها في وقت سابق في برنامج صبايا الشمس مع المذيعة ريهام سعيد.
حيث قالت علا غانم: مشيت عشان كنت محتاجة أقعد جمب بناتي أكتر.. ابتدوا يكبروا وحسيت خلاص أنهم على وش جواز، فقررت أخد إجازة مفتوحة من التمثيل وحياتي بالكامل وأروح بعيد خالص لمجتمع جديد عشان أبدأ صفحة جديدة.
وتابعت: بناتي كانوا عايشين في أمريكا فكان لازم أروح أنا ودا كان وعد مني ليهم قبل ما نتحرك سنة 2017، كنت وعداهم أن السنة اللي جاية هي أخر سنة عشان بنتي هتتخرج في شهر خمسة.
