سخر الفنان محمد عطية من جماهير الزمالك، واصفا إياهم بـ"محدثين فوز"، على حد تعبيره.
وكتب عطية عبر حسابه على موقع التواصل الاجتماعي "فيس بوك": "أنا ماكنتش عاوز أتكلم بس لاحظت إن كل الزمالكاوية اللي عندي علي التايم لاين مركزين مع الأهلي حتي وهما كسبانين، معلش أنا مقدر شعورك كزملكاوي وإنت الإنجاز بالنسبالك الصعود لنصف النهائي وعارف إنك محدث فوز وده شعور جديد بالنسبالك، وشايف كمان إفيهاتك اللطيفة اللي من عينة الأهلي قادم، علي أساسا إنك كرييتف وكدة، فاهم كمان إنك بتحاول تقنع نفسك إنك منافس للأهلي وكده".
وأضاف: "عاوز أشرحلك بس كلمة منافس دي، منافس يعني لو أنا في سباق معاك أخاف أقع خطوة واحدة أو نص خطوة فتحصلني أو تسبقني، الأهلي يا حبيبي لو الصبح كده قفل النادي وبطل كورة ١٥ سنة وإنت كسبت كل حاجة، برضة مش هتحصل بطولاته ولا هتبقي قده، فيا ريت تركز شوية مع الإسماعيلي، الإتحاد، المصري، دول المنافسين بتوعك يا حبيبي".
