طباعة

تحدثت الفنانة منة شلبي عن الخلاف الناشب بينها وبين الفنانة هند صبري، قائلة: "احنا طلعنا أنا وهند مع بعض هي كانت بتعمل مواطن ومخبر وحرامي ومذكرات مراهقة وأنا في نفس الفترة كنت بعمل الساحر وبحب السيما وأدورانا كانت جريئة في الأول جدًا وكان في منافسة بينا وكنا لسه صغيرين وقتها وأي حد كان بيقول اي حاجة كنا بنسخن".

وأضافت منة شلبي: "وبعدين اشتغلنا مع بعض فيلم أحلى الأوقات وكل واحدة فينا كتفها كان عالي على الثانية وكان في وسطنا ست البنات حنان ترك بس كنا في بينا ود شديد وحنان ترك كانت هي همزة الوصل بينا أنا وهند وبعدين جالنا بنات وسط البلد واحنا الاتنين مكنش في بينا خلاف لكن مكنش فيه بينا حب لكن كنا ممثلين محترفين".

وتابعت: "وفي وسط الفيلم قعدنا أنا وهند عشان نشوف ايه سبب الخلاف لقينا أن في ناس جميلة استغلت شوية تفاهات وعملت حاجات مكانش ليها أصل وفي احترام شديد جدًا في رحلة طويلة جدًا بيني وبين هند".