طباعة

انقسمت الآراء بين مؤيد ومعارض، حيث قال البعض أن العمل خطوة على الطريق لصناعة فيلم سوبر هيرو مصري، بينما انتقد البعض الآخر مستوى الفيلم وقال وأن السيناريو جاء سطحي للغاية، كما أن الجرافيك لم يكن على المستوى المطلوب، ليعلنوا عدم رضاهم عن التجربة بشكل عام وساخرين منها في منشوارات عبر مواقع التواصل الإجتماعي.

 
وجاءت تعليقات الجمهور كالتالي: "بابا أول مرة يدخل السينما من 30 سنة وطبعا بعد ما فضلنا نلح عليه نخرج أول يوم العيد وطبعا روحنا شوفنا الفيلم بتاعك ولقينا بابا انهبر بالفيلم وبأدائك الجميل وضحك ضحك قمر ربنا يديمه عليه نعمة، شكرا يا تمورا على الفيلم القمر ده بكل تفاصيله الحلو الفيلم ياخد تقييم ١٠.٠٠٠ من ١٠٠٠ فيلم رائع منتظرين جزء تاني".

وقال آخر: "فيلم تاج.. حقيقي كان نفسي أخرج من الفيلم مبسوط أنا من أكتر الناس اللي بتحب تامر في المطلق من وأنا صغير بس حقيقي تامر من أول مبدأ يكتب أفلامه والموضوع بقي صعب جداً جداً .. من أول السيناريو والحوار اللي لازم يتقال فيه "إن قد ايه تامر وسيم وشكله حلو" كعادته مؤخراً، لحد الكوميديا الغريبة اللي نصفها حرفيا من السوشيال ميديا ومن أول كمان مدخلت مش دلوقتي + إعتماد تامر بشكل غريب علي الإيحاءات اللي المفروض هي عكس شخصيته تماماً وعكس فئة كبيرة من جمهور تامر زي الأسر والأطفال الصغيرة بالتحديد .. وبالرغم من كل ده القصة حلوة ولكن عايزة مؤلف يكتبها وده اللي كان بيعمله زمان ومنجحه جدا إنه بيجيب القصة بس مش هو اللي بيكتبها .. محدش هيقدر ينكر إن تامر حسني لو نزل قدام عادل إمام هيجيب إيرادات بسبب شعبيته اللي مش طبيعيه ما شاء الله علي مستوي الوطن العربي ولا إنه أنجح مطرب ممثل في جيله بل كمان في الأجيال اللي سبقته لكن صدقني بجد مبقاش حلو خالص إننا ندخل الفيلم عشانك ونخرج منه زعلانين عليك وعلي مستواك وعلي ال ١٠٠ جنيه اللي دفعناها".

ومن جانبه كان قد كشف الفنان تامر حسني في تعليق له عبر حسابه الشخصي على موقع التواصل الإجتماعي «انستجرام»، عن نيته لعمل جزء ثاني من فيلم تاج.

ويشارك في بطولة فيلم تاج الفنان تامر حسنى، ودينا الشربيني، وهالة فاخر، وعمرو عبد الجليل، وساندي، وأحمد بدير، وليلى عز العرب، وعدد آخر من الفنانين وضيوف الشرف، والعمل قصة وسيناريو وحوار تامر حسني، وإخراج سارة وفيق.