شهدت محافظة الإسكندرية في الآونة الأخيرة عجز تام في وسائل النقل الجماعي، و الارتفاع الشديد لأسعار النقل، و ذلك بعد توقف تام بقطار ابوقير، و الذي سبب شلل في حركة المرور.
يرجع ذلك إلى خطة إحلال مشروع مترو الأنفاق بدل قطار ابوقير، حيث أعلنت وزارة النقل إيقاف تشغيل القطار، و بالرغم من توفير محافظة الإسكندرية اتوبيسات نقل جماعي كبديل مؤقت للقطار،و في ذات السياق، تزداد المشكلة سوءً في استغلال السائقين توقف القطار و ترفع سعر الأجرة و تقطيع المسافات.
قال كريم الزيات، لا يوجد اتوبيسات فى شارع أبو قير خط المندرة محطة مصر، و في ظل وجود المدارس وازدحام الناس بسبب وقف قطار ابو قير محطة مصر، والميكروباصات مش مغطية اعداد الناس الكثيرة جدا، و نطالب بزيادة اعداد الاتوبيسات لحل هذه الازمة.
اضاف مصطفى نوار، محتاجين اتوبيسات نقل عام خط المنشيه العوايد عشان في مهزله في موقف العوايد في المنشيه ومفيش عربيات وكله بيقطع المسافات، و الناس موجودة بإعداد كبيرة، و محتاجين اتوبيس للتسهيل على المواطنين.
و تابع عطية محمد، لحين الانتهاء من مشروع المترو، و نظل في ابتزاز من سواقين الميكووباص، والتحميل العشوائي، محتاجين تدخل من رجال مرور الاسكندريه بتكثيف وجودهم عند مواقف الميكروباصات.
و استكملت ايمي احمد، ان توقف القطار مسبب أزمة مواصلات كبيرة، و الناس مش عارفه تروح شغلها ولا حتى الطلبة، الدنيا واقفه، ومفيش اتوبيسات النقل العام، وكذلك البحر علشان اركب من المنشية للمندرة لازم انزل واركب ٣ مرات ونفس الشخص هو اللي بيعمل كده، بقينا بندفع ٣ اضعاف الاجرة.
