قالت الفنانة نيللي كريم، إن الصدفة كانت سببًا في معرفتها بالمخرج القدير يوسف شاهين، وحكت أنه قبل عرض أول أعماله عليها أخذ يستدعيها أكثر من مرة دون أن يحدثها في أي شيء عن العمل.

وأوضحت، خلال لقائها بالفنانة والإعلامية إسعاد يونس في برنامجها "صاحبة السعادة" المذاع على قناة "سي بي سي"، قائلة: "لاقيتهم بيكلموني بيقولولي يوسف شاهين عايزك، روحت طبعا لقيته بيكلمني في الباليه وروسيا وخلصنا ومشينا.. مرة تانية قالولي يوسف شاهين عايزك روحت لقيت نفس الكلام والقعدة بتخلص مابيكلمنيش في أي شغل".

واستكملت: "بعد فترة قالولي يوسف شاهين عايزك بردو قولتلهم هروح طبعا يا جماعة عشان بحبه بس هو عايزني ليه".

وأضافت: "في المرة التالتة بقى قاللي عايزك في مشهد الرقصة في فيلم اسكندرية نيويورك.. وافقت طبعًا وقولت حاجة بسيطة هتاخد كام يوم أسبوع.. الموضوع طلع كبير جدًا وخد بروفات شهرين.. بعدها عملت فيلم "أنت عمري".