هاجمت الفنانة زينة، الفنان أحمد عز، بعدما حصل الأخير على البراءة في قضية السب والقذف التي رفعتها عليه.

وقالت عبر صفحتها الشخصية: معلش بقى أنا ماكنتش ناوية أعلق بس بصراحة كدبك اللي مالوش نهاية بيستفزني جدا.

وأضافت: أولا مبروك براءتك من قضية السب والقذف في حقي؛ ولو أن مبروك من تهمة دي مش حاجة تشرف أوي؛ يعني أنت ما أخدتش جائزة نوبل!! وكدة كدة ماكنتش هاسيبك تتسجن علشان ولادك مايبقاش أبوهم رد سجون.

وتابعت: ارجع بقي من لندن اللي أنت مستخبي فيها يا دكر ماتخافش مش دي صورتك هناك؛ أما بقي لو جبت سيرة ولادك وقضية النسب دي تاني هايكون ليا تصرف تاني معاك وبالقانون؛ لأن القضية دي اتقفلت لآخر يوم في عمرك؛ بطل كدب وبطل تضحك علي الناس؛ لأن الناس مش هبلة وخلاص اتلهي في شغلك ومعجباتك اللي تعرفهم معرفة شخصية من قلتهم.

واستطردت كفاية بقي الفيلم محترم ده علشان ماحدش بيصدقه غيرك؛ الناس عرفت حقيقتك؛ وياريت تبطل تستغبي الناس، والأهم من ده كله لو كان تم الحكم عليك كنت هاحس إن ربنا بيحبك وبيكفر عنك في الدنيا.

واستكملت لكن الحمد لله حتي يبلغ الحمد منتهاه؛ حسابك عند رب العالمين شايلهولك كله في الآخره؛ ومافيش أعظم من حساب ربنا، وابقي روح لربنا قله أقسم بالله يارب أشوفك وأنت بتتحاسب يارب.