"خناقة" في البرلمان بين سعيد طعيمة ووزير النقل
الإثنين 14/أغسطس/2017 - 07:50 م
فتحي المصري
طباعة
أشعل سعيد طعيمة رئيس لجنة النقل بالبرلمان، اليوم الاثنين، في اجتماع اللجنة مع وزير النقل، الدكتور هشام عرفات، للتناقش في حادث قطاري الإسكندرية، أزمة حادة بينهم مما جعلها تنتهي بتهديد الأخير بتقديم استجواب لمساءلة الوزير.
بدأت الأزمة، خلال إجابة الوزير على تساؤلات النواب، بشأن الطابور الخامس داخل هيئة السكة الحديد، حيث قال الوزير: "مش عارف ليه الشباب مش عايز يشتغل في السكة الحديد، بحاول إقناع مهندسين صغار للعمل بالهيئة من أجل السيطرة على الطابور الخامس".
وقاطعه "طعيمة"، منفعلًا: "استني بقى، بلغتك قبل كده إن في أزمة بسبب المسابقة التي أعلنتم عنها وتم التقدم لها وتم امتحان المتسابقين، ونجح 11 منهم وأخدوا ترتيب، ولكن داخل الهيئة تم رفضهم بعد قبولهم، وأنا قولتلك الكلام ده عشان تحقق فيه"، ورد الوزير: "بنحقق فيه، وشكلت لجنة للتحقيق".
واستطرد "طعيمة" بغضب: "ماينفعش، إزاى بعد ما يتم قبولهم، يتم رفضهم، عايزين نعرف مين الأسماء التي تم وضعها بدل المتسابقين الفائزين، وأنا هبعتهوملك المكتب".
واستكمل بغضب شديد: "إذا لم يتم التحقيق في هذه الواقعة، سأتقدم باستجواب، لأنه موضوع خطير، ولو إنت عايز شباب مهندسين، قول وكلهم هيجوا يشتغلوا هو حد لاقي تعيينات دلوقتي".
وعقّب الوزير، قائلا: "للأسف مفيش تجديد في القيادات، عايز الفنيين اللي واخدين الدبلومات اللي عايزين نعملها في معهد وردان، دول هنضرب بيهم الطابور الخامس".
موضوعات متعلقة
أخبار تهمك
