مرتضي منصور للمرشحين في انتخابات الزمالك: " اللي هيبلطج هشطبه"
الخميس 14/سبتمبر/2017 - 04:11 م
محمد عماد
طباعة
وجه مرتضى منصور رئيس نادي الزمالك، تحذيرًا للمرشحين المحتملين لانتخابات النادي والتي ستنعقد يومي 23 و24 من نوفمبر القادم.
وقال منصور، "تحذير أخير أي حد عاوز ينزل الانتخابات ده حقه، وأي حد هيقل أدبه وهيبلطج هشطبه، وكلامي واضح".
تابع، "بخلاف الانجازات التي حققتها في حمامات السباحة وحدائق والكورة والطائرة واليد و4 كأس ودوري وسوبر أو الجيم الجديد والمبنى الاجتماعي و14 ملعب كل ده ليس له قيمه".
واصل، "القيمة بالنسبة لي أن الأعضاء يعيشون في أمان داخل نادي الزمالك، وأنا مش هسمح بأي حد يبلطج جوة النادي أيًا كان مين هو، يطلع بقى لواء أو عميد أو صايع أو مهندس، يطلع واد دلدول".
أضاف، "بقول مرة تانية، حضرتك عاوز تنزل الانتخابات هنفتح باب الترشيح يوم 2 نوفمبر قبل يوم 2 معنديش انتخابات، ومن يوم 2 ليوم 23 لن يسمح بأي دعايا انتخابية داخل النادي حسب اللائحة".
