نشر المخرج محمد خضر، مقطع فيديو له عبر صفحته الشخصية بموقع التواصل الاجتماعي، يروي فيه عن تفاصيل سرقة فكرة مهرجان الجونة السينمائي من قبل الفنانة بشري والشركة المنظمة للمهرجان ومنظم الحفلات عمرو منسي .

وقال خضر عبر الفيديو " عرضت على بشري وكمال زادة فكرة المهرجان وقولت ليهم أن عايز أقبل المهندس نجيب ساويرس علشان اعرضها عليه، ورحت قابلت المهندس نجيب وعرضت عليه الفكرة وعجبته جدًا وقال يلا اعملوا شركة أنتم التلاتة وأنا هكلم سميح عن الفكرة ".

وأضاف " بشرى اقترحت اسم عمرو منسي منظم الحفلات أنه هو اللي هينظم المهرجان، وقولت أن لازم نعمل له عقد علشان هو مش سهل، عملنا العقد واتعرض عليه وراح رمي العقد في وشنا وقول أنا مش بشتغل عند حد، أنا عايز ابقي شريك معاكم في الشركة، عرضنا الأمر على المهندس نجيب ساويرس ووافق على الأمر وعمرو بقي شريك معانا في الشركة ".

وتابع " في يوم 26 ديسمبر اتصلوا عليا أروح ليهم وقولوا أن عمرو منسي مش عارف يشتغل معايا، وأن ليا طريقة في الإدارة وهو ليه طريقة تانية خالص، قسموا الأدوار عليهم قولوا ليا خلاص أنت عملت اللى عليك، واللى عرفته بعد كده أن عمرو منسي راح قال لسميح ساويرس يا أنا يا خضر في المهرجان، وطبعا سميح قال اللى يقوله عمرو يمشي، يااما دورا على مكان تانى يتعمل فيه المهرجان ".