إتبسمي قصيدة جديدة للشاعر محمد مصطفى أمين
الأحد 30/ديسمبر/2018 - 10:29 ص
سلسبيل سعيد
طباعة
كتب الشاعر محمد مصطفى أمين ، قصيدة جديدة بعنوان " إتبسمي " ، والتي أراد إيصال رسالة من خلالها بأهمية الأمل والتفاؤل والسعي في مصر؛ للقضاء على الأعداء.
ده عيب عليكي الضحك عيب تتبسمي
دة أبوكي كان فرعون
و أمك أميرة الكون
و إبنك عايش مطحون
و إزاي قولي لي إزاي تتبسمي
عايزين عنيكي الفرحانين لية يحزنوا
عايزين يهدوا الشقيانين اللي بنوا
عايزين ايديكي الدفيانين يوهنوا
كان نفسهم تتشتتي و تتقسمي
و ما يعرفوش كان قبلهم مليون عدو
ضحكة ولادك أمر ليهم يبعدوا
يلا إفرحوا يلا إبتدوا يلا أ سعدوا
و إملوا قلوبكم بالأمل و إتبسمي.
