استعرض الإعلامي عمرو أديب خلال برنامجه "الحكاية" المذاع عبر قناة "ام بي سي مصر"، خبرًا عن مواطن مصري من الشرقيه نجح فى زراعة القمح مرتين فى العام.

وقال عمرو أديب: اسمه مجدي قدر بعمله وكفاحه وعمله أنه يزرع القمح مرتين.. اغلب الناس بتزرعه مرة واحدة مرتين يعني يرميلك ضعف اللي انت بتزرعه.. مصر من اكبر الدول فى العالم المستهلكة للقمح واكبر دولة فى العالم مستوردة للقمح".

وتابع عمرو أديب: " البورصة بتاعة الحبوب والغلال زغرطوا لما مصر قررت ترجع تاني من عدد من الدول الاوربية.. المستورد المصري للقمح من الخارج مهم جدا.. ولما ييجي واحد من الشرقية وفي الارض بتاعته يقدر انه هو بطرق حديثة وبعمل وتعب وميكنة زراعية يعمل كدة.. لازم نتوقف عنده ونبقي سعداء جدا بيه".

ومن جانبه قال المواطن مجدي صاحب الفكرة: "فكرة القمح كان قبلها فكرة الرز زرعت الأرز مرتين قبل كدة وسجلت البراءة دي فى أكاديمية البحث العلمي من سنة ونصف.. وقابلت رئيس المركز محمد سليمان وقلت له يادكتور عملت كذا كذا خد التجربة وطورها عشان ما نستوردش رز.. قال لي احنا مش محتاجين رز عندنا اكتفاء ذاتي من الرز.. قلت له معندك روسيا عندها اكتفاء ذاتي من القمح ومع ذلك بترزع ونصدر لجميع أنحاء العالم ايه المانع.. قالي لا مهو الرز عندي اكتفاء ذاتي مش هنطبق الفكرة دي".

وتابع: " تواصلت معاه بعد كده وقلت له انا هزرع قمح مرتين.. قالي لا غيرك حاول وفشل في التجربة.. قلت له انا زارع القمح من شهر وهعمله مرتين قلت له وان شاء الله هقدر.. ونجحت التجربة ويكررها على مساحة أكبر والاسبوع اللي جاي هنحصد وهزرع تاني بعد ده".