نوستالجيا صباحية، تجعل إشراقة يومك أجمل مع أستمع أروع الأغاني التي تنعش الروح؛ ليكون مليء بالحب والتفاؤل، وتسترجع من خلالها ذكريات زمن الفن الجميل وتنسيك همومك.

نوستالجيا صباحية
وترشح لكم بوابة المواطن الإخبارية، اليوم الاثنين، في نوستالجيا صباحية أغنية من بحري وبنحبوه على صوت الجميلة هدى سلطان.

وجاءت كلمات أغنية من بحري وبنحبوه كالتالي:
من بحري وبنحبوه
ع القمة بنستنوه
شبك الجملات وشبكني
وازاي نقدروا ننسوه
من بحري وبنحبوه.. ايوه

سلمت عليه بالايد
والعين بصت للعين
حبه من غير مواعيد
زادوا العشاق اتنين
شغلتني عينه من نظرتها
ويا خوفي عليه من حلاوتها
لا يروح مني وياخدوه
والفكر في حبه يتوه
شبك الجملات وشبكني
وازاي نقدروا ننسوه
من بحري وبنحبوه.. ايوه

لما قابلته وكلمته
من قلبي وروحي هويته
وفي نن العين نيمته
وبرمش العين غطيته
مارديتش انام ولا نوم جاني
لا اشوف في منام انه جفاني
من كتر ما بيشاغلوه وبيتمنوه يقابلوه
شبك الجملات وشبكني
وازاي نقدروا ننسوه
من بحري وبنحبوه.. ايوه

ايام وسنين في هواه
وانا بين فرحتي والامي
يهجرني واقول انساه
وان شوفته ارجع في كلامي
لو بعده يزيد ولا يطول
الحب جديد زي الاول
يا سلام ع امه وابوه
قولولي ازاي عملوه
شبك الجملات وشبكني
وازاي نقدروا ننسوه
من بحري وبنحبوه.. ايوه

اقرأ أيضًا: نوستالجيا صباحية| ابدأ يومك على صوت عبد الحليم حافظ