ظهر الفنان أحمد أمين في برنامج صاحبة السعادة التي تقدمه الفنانة إسعاد يونس عبر فضائية dmc، وتحدث عن دوره في مسلسل الوصية مع الفنان أكرم حسني.

أحمد أمين في صاحبة السعادة
وقال أحمد أمين في صاحبة السعادة : «سمسم كان شخصية إبن الدادة اللي مامته مكنتش مهتمة بيه وكانت مهتمة بـ"أبو" الغني المدلل، هو مش عاش طفولته حصله حالة من التوقف في الطفولة من وهو عنده ست سنين او اقل وعايش وهو طفل لبسه لبس الأطفال ومن هنا قعدت اقرا واطلع شوية حاجات من عندي والشخصية شبهي فيها مني ومن لبسي فيها حتة طفولية ساذجة كده وطلع بالشكل ده ».

وأضاف أحمد أمين في صاحبة السعادة : «وطلع حلو كمان ولما شوفت أكرم الشخصية هو عامل ازاي حصل فيه تناقض بينا هو عمل الشاب الغني المدلل اللي بيحب البنات، والتاني مندهش من الدنيا فهو سمسم ذكي راح المدرسة والجامعة مكان ابو كان بيبعته المدرسة والجامعة مكانه هو ذكي بس معندوش خبرة الحياة، الشارع، التاني شوارعجي تمامًا بس ميعرفش 1+1 يساوي كام فالتناقض ده هو اللي طلع العمل رائع".

أحمد أمين في مسلسل الوصية
يذكر أن مسلسل الوصية تم عرضه في رمضان الماضي وهو بطولة أكرم حسني، أحمد أمين، ريم مصطفى، أحمد حلاوة، عارفة عبد الرسول، خالد كمال، محمد جمعة، محمد طعيمة، دينا سالم وهو من تأليف أيمن وتار ومن إخراج خالد الحلفاوي.

تدور أحداث مسلسل الوصية حول شاب مستهتر يتوفى والده، ويترك له وصية واجبة النفاذ، فيطلب من صديقه سمسم أن يساعده في تنفيذها حتى يتمكن من الحصول على الميراث وذلك في إطار كوميدي.

اقرأ أيضا: فيديو| أحمد أمين في صاحبة السعادة يكشف كتابة مسلسلات الرسوم المتحركة