كشف الفنان محسن محيي الدين عن أول أجر تقاضاه في حياته، وبداية مسيرته الفنية.

وتحدث محسن محيي الدين في برنامج "بالخط العريض"المذاع على شاشة قناة "الحياة" عن الأجر الذي بدأ به حياته قائلًا: " حبيت التمثيل، وكنت بكسب فلوس وأنا طفل، كنت بقبض 50 قرش، وبعدين بقى 2 جنيه، وبعدها 4 جنيه، وده كان وقتها رقم، كان في موظفين بياخدوا 3 جنيه".

وأضاف: "بدأت مسرح سنة 70 مع المرج كمال ياسين والفنانة عقيلة راتب، وعملت 5 أو 6 أفلام بعدها، وأشتغلت مع يوسف شاهين وحبيت الإخراج، وقررت أني أدخل معهد السينما قسم تمثيل وإخراج".

وأستكمل حديثه عن يوسف شاهين معلقًا: "بدأت اتعرف لما عملت فيلم أفواه وأرانب مع فاتن حمامة، والفنانة رجاء حسين كانت أمي في الفيلم وجوزها الفنان سيف عبد الرحمن كان بيشتغل مع يوسف شاهين، وكانوا محتاجين شباب فرشحوني للعمل، وبعدين يوسف شاهين أتعرف عليا، ورشحتله أحمد سلامة وعبدلله محمود للفيلم".

وردًا على بعض الجمهور بعدم فهم أفلام يوسف شاهين: "يوسف شاهين أفلامه مختلفه من نوعها، وفكره كان مفتوح على العالم، لما تتفرجي على فيلم ليوسف شاهين كإنك قريتي 10 كتب، لأن الموضوع بيكون شامل ثقافة سياسية واجتماعية ونفسية، عشان كدا أفلامه في ناس كانت بتفهمها وناس بترفضها".

وتابع: "لما الإنسان بيمر بتطورات في حياته بيشوف الفيلم بعدين بعين تانية، يوسف شاهين ممثل جامد وكان بيحب التمثيل جدًا، وكان بيطلع موهبته في الممثل اللي قدامه عشان كده بيكتفه في التمثيل".