وأوضحت: «هو كان تعبان بس مكنش عامل للتعب دا حساب، علاء كان نقي ونضيف وصاحب صاحبه مش راجل أناني، وكان شاطر وذكي في اختياراته، كان عارف يختار ايه لنفسه والحالة الكوميدية اللي بيقدمها وبيختار مخرجين كبار بيعرفوا يقدموه».

وعن حبه للتمثيل أضافت «علاء ولي الدين كان بيعشق الشغلانة ومش مصدقين أن فات 20 سنة على وفاته، أنا مقدرتش أدخل المسرح بعد وفاته لحد النهاردة مع أني كنت بجري عشان أشوفهم وأقعد معاهم».

علاقة يسرا بعائله علاء ولي الدين

وتابعت: «مش قادرة أحكي الراجل دا كان بالنسبالي ايه، أنا كنت أعرف والده ومامته هو بالنسبة ليا أخويا الصغير، لما أتوفى اتصدمت، أنا كنت بفضفض دايمًا معاه، وفي مرة قالي إنه متحانق مع مامته وأنا صالحتهم، فرحته كانت زي الطفل الصغير».