صرحت الفنانة رانيا يوسف خلال برومو برنامج حبر سري في رمضان 2023،  للإعلامية أسما إبراهيم، الذي سيذاع على قناة القاهرة والناس في موسمه الجديد برمضان 2023 وتحدثت عن الفنانة نادية الجندي قائلة: « مدام نادية مش مقياس للنجومية لو أتجوزت منتج، رجل أعمال أنا ممكن أخليه ينتجلي بعد ربع ساعة».

رانيا يوسف في برنامج حبر سري في رمضان


وعن عدم إنتاج طليقها محمد مختار لها أعمالها، مثل ما فعل مع النجمة نادية الجندي أضافت: «أنا ما اتجوزتش محمد مختار عشان ينتج لي.. أنا اتجوزته عشان عايزة أعمل بيت وعيلة وده قولته كتير على مدار الـ 12 سنة اللي اتجوزت فيهم محمد.. ده غير إني مش محتاجة محمد مختار عشان يعملي.. بيتهيألي أنا الممثلة الوحيدة اللي جوزها ما ساعدهاش بمكالمة تليفون يمكن مدام نادية كانت محتاجة حد يقف جنبها ويثبت موهبتها.. أنا الحمد لله مش محتاجة إن حد يثبت لي موهبتي أنا بثبتها مع نفسي والحمد لله إن ربنا مساعدني وبفضل ربنا وبموهبتي إن أنا محدش ساعدني».

يذكر أن آخر أعمال رانيا يوسف هو مسلسل عالم تاني، ويشاركها في البطولة نضال الشافعي، فريال يوسف، فراس سعيد، تميم عبده، مروة عبد المنعم وهو من تأليف إسلام عاطف، إخراج عبد العزيز حشاد.