«كنا في ضيقة وكرب».. غارمة مفرج عنها للرئيس السيسي : «فرحتنا أول يوم رمضان»
الخميس 06/أبريل/2023 - 10:49 م
إحدى الغارمات تحدث الرئيس السيسي
حنان سعيد كشك
طباعة
أطلق الرئيس عبد الفتاح السيسى، اليوم الخميس، حوارًا مفتوحًا مع مواطني حي الأسمرات، والذي خلاله وجهت السيدة منال علي، إحدى الغارمات المفرج عنهم في أول يوم رمضان كلمة شكر للرئيس قائلة: "نقولك شكرا إنك فرحتنا في أول يوم رمضان وسط عيالنا، وربنا يسعدك، احنا كنا في ضيقة وكرب شديد، وحضرتك فكيت كربنا».
وأضافت السيدة منال: "جبنا احتياجات أكبر من طاقتنا ونوعدك عمرنا ما نعمل كده تاني، ربنا ما يرميك في ضيقة ويقدرك ويسعدك ويجبر بخاطرك"، ليرد الرئيس السيسي: "فرصة إن انتو معانا، وانتي تجربة حية، مشيتي في الطريق دا وشوفتيه، ومهم مش إننا حلينا المسألة بالطريقة دي، المهم نوعى الناس اللي بتسمعنا وأهالينا اللي بيعملوا كده، واللي بيعملوا عليهم إيصالات، من فضلك قوليلنا التجربة دي، وشوية تفاصيل ونسمعكم كلنا والحكاية دي بتتعمل ازاي، والرقم حقيقي ولا".
إحدى الغارمات فى حى الأسمرات توضح للرئيس السيسي كيف تم حبسها
وأوضحت السيدة منال: "الرقم كله 45 ألف جنيه، وكانت الاحكام اللي بنفذها فيه أكتر من 70 سنة، وقضيت اللي قضيته، وأنصح كل حد ميحتاجش لإيصالات الأمانة وميخليش حد يكسره محدش يمضي وصولات أمانة، أكتر حاجة كسرتنا حرمانا من عيالنا، ومهما نتكلم مش هنقدر نشكر حضرتك، على الدنيا اللي رجعتنا ليها".
ووجه الرئيس السيسي، سؤالاً للسيدة منال: "قلتي نجيب على قد الزاماتنا، ليه بتقولي على القد"، وردت السيدة منال: "مكناش بنجيب على قدنا، وكل واحد بيعاند مع اللي جنبه، بصينا لأكتر من طاقتنا".
وواصل الرئيس السيسي كلامه مع السيدة منال قائلاً: «والي بيتاجروا وبيعملوا إيصالات أمانة، تقوليلهم ايه؟».
وأردفت السيدة منال: "أقولهم اتقوا الله، كان محسوب عليا أكتر من 200 ألف، اللي له 5 طالبهم بالخميسن والسبعين، وأنا مضيت على كدة".
وأكمل الرئيس السيسي كلامه قائلا: "المحكمة هتاخد بالورق، وعشان كده بنقول، طب ان أخذت 45، أمضي على 45، لو في فايدة تتكتب الفايدة، إنما ميبقاش رقم كبير كده يعني".
وأنهت السيدة منال كلامها : "الحمد لله مرينا بالتجربة دي وكان ممكن نوقع في تجربة أكبر من كده".
واختتم الرئيس السيسى الحديث قائلا: "ألف مبروك وربنا يوفقكم".
