حلت الفنانة إيمان العاصي ضيفة في برنامج معكم منى الشاذلي، مع الإعلامية منى الشاذلي، وصرحت خلال لقائها عن أبرز التصريحات الخاصة بمسلسل جعفر العمدة، الذي تم عرضه في الموسم الرمضاني الماضي.

أبرز تصريحات إيمان العاصي مع منى الشاذلي

تحدثت إيمان العاصي خلال لقائها مع الإعلامية منى الشاذلي، عن كواليس مسلسلها جعفر العمدة، وأيضا تفاصيل التهديدات التي تعرضت لها، ومن أبرز تصريحاتها قالت التالي:

اتعرض عليا فلوس كتير عشان أقول نهاية مسلسل جعفر العمدة.

كان معروض عليا دور تاني غير دلال واعتذرت عنه واخترت الدور ده ومضيت على بياض.

كان نفسي اشتغل مع محمد سامي من زمان لأن اللي بيشتغل معاه بيتحول طريقه للأحسن بكتير.

كان بيجيلي رسايل تهديد من الجمهور وكانوا بيقولوا لو مرجعتيش سيف هنخطف بنتك.

مشهد المواجهة بيني أنا ومحمد رمضان أتصور أول مشهد في المسلسل وكنت طول الليل بعيط بسببه.

روحت المستشفى وكنت منهارة في الحلقة العشرين من جعفر العمدة وكنت تعبانة ولقيت الدكتور قالي عشان خاطري قوليلي النهاية هو سيف هيتقتل ولا ووقتها فقدت الإحساس.

نهاية مسلسل جعفر العمدة متغيرتش والناس كانت فاكرة إني ممكن أقتل سيف بس مقدرش أعمل كده لأن الناس كانت هتموتني ومكنتش هقدر أخرج من البيت.

عملت حركة دلال في جعفر العمدة مع خطيبي وأنا في الجامعة واتصورت صور لذيذة جدًا ونزلتها على مجلة بعدها طلبني للتمثيل.

مرات بابا كانت بتبصلي عشان أخويا يبقى شبهي وكنت بخطفه من بابا عشان بحبه أوي.

اتجوزت وقررت اقعد في البيت وأنا بتجوز وقررت أدي سنة للجواز وانفصلنا بعد شهرين وقولت لازم وقتي يبقى لبنتي.