وكشف الفنان صبري عبدالمنعم التفاصيل خلال مداخلة هاتفية قائلا:«اللي نصب عليا واحد أعرفه من 10 سنين، وبنقعد مع بعض، جيت قولتله عايز أبيع الشقة دي تحويشة 50 سنة شغل، وعشان عيالي ياخدوا الفلوس، وعملت عملية في القلب، وكنت تعبان وبيجيلي ألزهايمر من حين لآخر».

صبري عبدالمنعم يتعرض للنصب 

وتابع: «جالي بعدها بأسبوعين وقالي جبتلك مشتري للشقة وادتله عقود الشقة، هو شخص من الوسط بس الكارير بتاعه مختلف، ومش هقدر أكشف شخصيته عشان في تحقيقات.. وأنا عمري ما خنت حد ولا عديت فلوس ورا حد».

وأضاف: «نزلت معاهم البنك وكان الشيك بالدولار وقالولي اسأل بعد 45 يوما، ورحت ولقيت التوكيل بتاع المشتري مكتوب باسم واحدة مش واحد اللي أنا مضيت عليه، ورحت معاهم وأنا في حالة مذرية وتعبان جدا، ومخدتش ولا جنيه».