أعربت الفنانة جوري بكر عن استيائها من أسعار المنتجات والخدمات في منطقة الساحل الشمالي، وذلك عبر حسابها الشخصي على موقع التواصل الإجتماعي «انستجرام».

ونشرت جوري بكر في مقطع فيديو لها عبر خلال خاصية الأستوري على موقع التواصل الإجتماعي «انستجرام»، وقالت فيه: "أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل ولولا أن جوزي بيحب يروح هناك مكنتش جيت".

وأضافت جوري بكر: "لأن في قلة أدب بتحصل وفي ناس قليلة الأدب وفي قلة أدب في الأسعار وفي ناس ممكن تقولي ايه اللي وداكي بس أنا مضطرة، وأنا الحمد لله راضية بس ايه الأسعار دي".

وتابعت: "أنا أي مكان هدخله مش هيعجبني أسعاره هفضحه على السوشيال ميديا لأن أنتم حرفيا بتسرقوا الناس عشان يومين تلاتة جايين ينبسطوا فيهم ف يلا تعالى استغلك واطلع كل الفلوس اللي في جيبك يعني ايه عيل صغير يروح يجيب ازازة مية بـ 200 جنيه هي مية من الجنة".

ومن جانبه شاركت الفنانة جوري بكر في السباق الرمضاني الماضي بمسلسل جعفر العمدة، وهو من بطولة كلًا من النجم محمد رمضان، وهالة صدقي، وإيمان العاصي، ومي كساب، ومنة فضالي، وعدد آخر من الفنانين، ومن تأليف وإخراج محمد سامي.