بدأ الفنان أحمد داؤود، اليوم الأربعاء، أولى دروسه في تعلم العزف على آلة الجيتار، كما روى لجمهوره عبر حسابه بموقع الصور والفيديوهات «إنستجرام» مأساته مع المزيكا منذ صغره.

وقال «داوود»: «وأنا في المدرسة كان نفسي أوي اتعلم جيتار بس حظي الوحش وقعني في مدرس مزيكا واضح أنه كان بيشتغل الشغلانة غصب عنه، أول ما شافني قالي جيتار إيه اللي أنت عايز تلعبه مينفعش، قلتله ليه حضرتك، قالي أنت صوابعك صغيرة مش هينفع، أنت تلعب ماندولين، واللي ميعرفش الماندولين هي آلة ولا هي جيتار ولا هي عود، هي حاجة كده شبه لعب الأطفال وعمري ما شفتها في أي حته بره المدرسة، يعني الشيكولاته أشهر منها بكتير، وطبعًا اتعقدت منها ومن المدرس ومن أوضة المزيكا كلها».

وأكمل أحمد: «النهاردة بدأت أول درس جيتار في حياتي، والحمد لله المدرس قالي صوابعك حلوة وتنفع، متحمس جدًا ومبسوط بالتجربة».