قال الدكتور حسام بدراوي رئيس مجلس إدارة جمعية تكاتف للتنمية، خلال لقاء بمجلس أمناء مدرسة «عطف إفوة» الإبتدائية بنين مركز الواسطى شمال بنى سويف، «أنا حابب أقول من غير مشاركة الناس ومشاركة المجتمع الحقيقية في الحفاظ على اللي بيتعمل من تطوير مدارس هتبقى دي زي شمعة وتنطفئ إحنا ماشيين ومش عايزين حاجة تنطفئ بصراحة البلد محتاجة كتير جدًا مننا، فعايزين استدامة والاستدامه تحصل من حضراتكم، إحنا دورنا كمنظمين إننا نضع القواعد لكن على الجميع الالتزام بيه من مجلس أمناء ومعلمين وطلبة».

وأضاف المهندس شريف حبيب، محافظ بني سويف، «زي ما قال الدكتور حسام أننا بنستثمر في أولادنا، يعني التعليم هو استثمار في أولادنا وهو أهم شيء لأن هو اللي هيوجد لهم فرص عمل ويقدروا يعيشوا عيشه كريمة ودا هو أملنا الأكبر، واليابان نموذج واضح للفكره دي وخاصة إنها لاتملك غير قوة بشرية، تقريبًا هي اللي صنعت النهضة الهائلة اللي إحنا معجبين بيها جاية من تطوير التعليم، فإحنا قدامنا مشروع كبير وزي ماقال الدكتور حسام إذا إحنا معندناش الرغبة والصبر والمثابرة على الاستمرارية مش هنقدر نحقق حاجة، واعتقد أن كلنا عندنا الرغبة، وهو دا على فكرة من سمات المجتمع الياباني، وعدى عليهم هيروشيما ونجازاكي واللي حصلهم في الحروب أنهم اتدمروا وأنا أتذكر إحنا بدأنا تجميع صناعة السيارات قبلهم وهما انطلقوا بعدنا، كل دا جاي من العلم والتعليم ونرجو إن شاء الله نكمل ويبقى عندنا طموح عالي جدًا زي ما حطينا قدامنا الهدف إن شاء الله هنوصله».

جاء ذلك خلال لقاء مجلس الأمناء، على هامش افتتاح المهندس شريف محمد حبيب محافظ، بني سويف والسفير الياباني «تاكيهيرو كاجاوا»، والدكتور عبد الرحمن برعي، وكيل لجنة التعليم بمجلس النواب، والدكتور حسام بدراوي، رئيس مجلس إدارة جمعية تكاتف.