قال الرئيس عبد الفتاح السيسى، خلال فعاليات اليوم الثانى للمؤتمر الوطنى الثالث للشباب، إن قطاع السياحة إذا كان مستقرا على مدار الأربعين سنة الماضية لما كانت تحتاج الدولة لشئ آخر سواه، قائلا: "لو كان مستقر كان يكفى مصر، ومكنش الدولة هتحتاج إنها تعمل أى حاجة".

وعن معرفته بـ"الصعايدة" قال الرئيس: "أنا عارف الصعايدة من الحى اللى كنت ساكن فيه، أنا شفت الصعايدة وعزة نفسهم وكبريائهم، والله العظيم مش بقول الكلام مجاملة، الصعايدة كانوا بيخلوا بالهم من بعض فى الحماية، ومحدش يأذى حد، لكن حد يأكل حد لأ.. كل واحد بياكل بدراعه".

وأوضح الرئيس السيسى، أن حب الوطن بالإخلاص له وليس كلام فقط، مردفا "أنت هنا فى الصعيد حاسس إن الدولة مقصرة معاك وغفلانة عنك، لكن الفكرة كلها إن البلد تقدر ولا متقدرش، ولو قدرت ومعملتش تبقى مش كويسة، ولو معاها وبخلت على أهلها تبقى مش كويسة".

وأضاف السيسى، أن أهل الشر يريدون القضاء على الخير الذى يتم القيام به داخل الدولة، مضيفًا "مبيرحمش أخوه المصرى ومستعد يدوس عليه علشان يهدها"، وتابع "لازم تنتبهو للكلام ده علشان أنا معنديش مصلحة أبدا غيركم".

ويذكر أنه أنطلق اليوم السبت المؤتمر الشهري للشباب أعماله بعد قليل في اليوم الثاني والأخير والذي يعقد بمحافظة أسوان تحت رعاية ومشاركة الرئيس عبدالفتاح السيسي وحضور 1300 شاب من شباب محافظات الصعيد فقط، وعدد من الشخصيات العامة والسياسيين والإعلاميين والوزراء.