استغاث عبدالجواد مصطفى، والد القتيل اسلام عبدالجواد مصطفى، بالمسؤولين في وزارة الداخلية بعد مقتل نجله في منطقة القوصية بمحافظة أسيوط.

وخلال مداخلته التليفونية على قناة "النهار" مع الإعلامي محمد الدسوقي رشدي ببرنامج "اخر النهار"، قال: "أنا مسؤول علاقات عامة بمستشفى القوصية المركزي بأسيوط، وابني بكالوريوس تجارة، ومتجوز بقى له 3 شهور، سمع أن بدر محمد تمام ومصطفى محمد تمام طلبوا مني فلوس إتاوة، وأطلقوا عليَا أعيرة نارية، فنزل من الكويت 19 يوليو، وعنده 25 سنة ويعمل مندوب مبيعات في الكويت، علشان يعرف بيطلبوا مني إتاوة ليه؟".

واستكمل: "ابني اسلام قال للقاتل ما فيش فلوس، فأطلق بدر عليه دفعة من الرصاص جهارًا نهارًا، وفارق ولدي الحياة، ورضيت بقضاء الله وقدره، وبلغت في مركز الشرطة، ومطلوب مني دلوقتي أتنازل عن حق ابني لأنهم لم يقبضوا على هذا المجرم، وبيهددني بقتل ابني اللي شغال في الصحافة وابني المحامي، أنا أولادي عايشين في رعب، لأنه حرق عربية رئيس مباحث المركز لما عمرو بيه سليم حب يعمل حملة علشان يقبض عليه، وموت 5 تانيين منهم واحد ابنه مدير نيابة".