"حماتي قنبلة ذرية"، الوصف الذي تم اقتباسه من الفيلم العربي الشهير، ورغم مرور أعوام كثيرة عن قصة الفيلم، ورغم من اختلاف الزمن والظروف والوقت والأفكار، إلا انه بقرب "عيد ست الحبايب 2018" والبحث عن هدايا للحموات، لازلت العديد من الزوجات تردد كلمة "حماتي قنبلة ذرية" وتقدم لكم "بوابة المواطن" حكايات عن زوجات حماتهن جحيم لا يطاق وفقا لما ورد ببعض مواقع التواصل الاجتماعي وآراء بعض المتزوجات:

"ابن امه بشكل مبالغ فيه":
أول كلمة وصفت بها الزوجة علاقة زوجها بأمه قائلة: "إبن أمه بشكل كبير، بياخد كل آرائها حتى في أبسط التفاصيل الصغيرة والكبيرة، مش بحس مطلقا أن بينا سر، وعلطول بتسألني وتسأله على كل حاجة، حياتي مش مستقرة، ومش عارفه احس باستقلالية ولا قادرة احس بطعم الايام".

"مش عايزة تحبني مهما عملت":
كان وصف زوجة أخرى لعلاقتها هي بحماتها قائلة"من اول يوم وانا بحاول اتاقلم معها وادخل في علاقة كويسة، مش قادرة تحبني او تقرب ليه، ودايما شيفاني اني واخدة ابنها منها، وانه مش من حقي، تعبت ولسه برده بحاول معاها.

"شغل حموات":
قالتها زوجة بسخرية كبيرة قائلة: "من يوم ما اتجوزت وهي بتعاملني بشغل الحموات، عكسي في كل حاجة، بتفسر الكلام على طريقتها، ودايما طالعة غلطانة في الاخر، لو اتكلمت ورديت تزعل، ولو سكت تقول مش متربية".