ونشرت تارا عماد صورة لها عبر موقع انستجرام وعلقت عليها قائلة: «من لوكيشن تصوير فيلم هقولوكوا عليه قريب .. كنت عايزة كمان اوريلكوا الچاكيت اللي صاحبتي عملتهولي .. هي بترسم على اللبس و بتغير شكله تماماً .. من و انا صغيرة و انا بحب اتطور في لبسي و اغير من شكله كنوع من التسلية و كمان كإعادة تدوير اللبس الي مبقتش عايزة البسه او زهقت من شكله اية بتعمل دة و بطريقة حلوة اوي و مختلفة».

وتابعت تارا عماد: «بتاخد وقتها في كل قطعة عشان تبقى بجد لوحة فنية و مفيش زيها اثنين .. وإعادة التدوير تنطبق مش بس على البلاستك اللي بنستخدمه في يومنا .. هو كمان ينفع للبس .. ممكن تغيروا من شكل لبسكوا لو زهقتوا من شكله او تتبرعوا بيه طبعاً .. ينطبق الموضوع دة برضو على اكلنا .. لو في اكل فايض ممكن نخزنه و نطبخه تاني يوم بشكل مختلف .. إعادة تدوير واستخدام كل حاجة في حياتنا هتعلمنا قيمتها اكتر عشان هناخد بالنا منها و كمان هنقلل المخلفات اللي معظمها بينتهي في المحيطات و البحار.