لطفي لبيب والحروب ، قصص ولحظات لا تنسى في حياته ، رواها بنفسه مساء أمس على طاولة برنامج الجمعة في مصر الذي تقدمه الإعلامية  ياسمين سعيد على فضائية mbc مصر.

قصص لطفي لبيب والحروب 
وقال لطفي لبيب عن الحروب التي شارك بها : «نزلت كتاب الكتيبة 26 لأن انا قضيت في الجيش فترة مش قليلة وكتبت عن العساكر لان انا كنت عسكري والعبور وكل حاجة، الفيلم عندي ابتدا من القطر اللي بيلم الاحتياط للقطر اللي رجع بعد توقيع اتفاقيات الكيلو 101».

اقرأ أيضا: لطفي لبيب في صاحبة السعادة: كيف ينظر للكوميديانات وطريقة تصنيفه لهم

لطفي لبيب والحروب وهذه اللحظة التي لا ينساها 
وأضاف: «اللحظة اللي منسهاش هي لحظة العبور متتنسيش ليه بقى كنا واقفين على الميه كنا متوقعين قناة السويس دي تولع هيفتحوا مخازن النابالم ويولعوها توقعنا هذا إنما عبرنا الحمد لله ولم يحدث دة وطول ما احنا في العبور مترقبين اللحظة دي ان الدنيا تولع، احنا انتصرنا بمعجزة وانتصار ساحق».

لطفي لبيب: كتابي في السوق اسمه الكتيبة 26
وأشار:«لسة مشوفتش عمل فني لغاية دلوقتي أعطى للحرب والانتصار حقه واي حاجات بتبقى من 67 بتبقى من بطولات القوات المسلحة انما شكل العبور ككل انا مشوفتوش، انا ليا كتابي في السوق اسمه الكتيبة 26 ودي الكتيبة اللي كنت مجند فيها واللي عبرت يوم 6 يعني الموجة الأولى عبور بس حد يقرا».

اقرأ أيضا: لطفي لبيب في صاحبة السعادة: يكشف كواليس مشهد الحصان في فيلم في محطة مصر