المواطن

رئيس مجلسي
الإدارة والتحرير
مسعد شاهين

غرفة الدور الرابع| حافظ على مناعتك النفسية بهذه الخطوات

الخميس 09/مايو/2019 - 04:36 م
جيهان الأصيل
جيهان الأصيل
جيهان الأصيل
طباعة
في غرفة الدور الرابع، اليوم، هنكمل باقي حدثنا عن المناعة النفسية، وبصفة خاصة في مجال الدعم النفسي داخل مستشفى بهية، حرصت على تقديم غرفة الدور الرابع، يوميا على بوابة «المواطن»، من أجل الدعم النفسي لكل من يحتاج هذا الدعم.

غرفة الدور الرابع
وحرصا على مساعدة الجميع للدعم النفسي، نقدم غرفة الدور الرابع: «بعض الخطوات لو بدأت فيها هتقدر توصل وتحافظ على مناعتك النفسية، وبالأمس ذكرنا أنت حابب تكون كرة بينج بونج سهلة الكسر من أول ضغطة، ولا كرة تنس تتمتع بمرونة وتعود لشكلها الطبيعي بعد الضغط، وابدأ تكوين العلاقات الإنسانية».

«العلاقات اللي فيها حب وقبول وتشجيع ومساندة دي من أهم عوامل المناعة النفسية، محدش فينا يقدر يكون منعزل وفي نفس الوقت قوي، طب لو مفيش علاقات مشجعة زي كده في حياتي أعمل إيه؟.. يبقى تعمل علاقات جديدة وصداقات تسندك، وقبل ماتسأل السؤال المعروف هو أنا هينفع أعمل علاقات وصداقات فى السن ده؟هاجاوبك وأقولك أعمل علاقات جديدة حتى لو كان عمرك دلوقتي 80 سنة وعمرك ما كان ليك أصحاب».

خليك مرن:

«تعريف تانية للمناعة النفسية هي قدرتك على المرونة، إنك مش بتقفش لو الدنيا مش ماشية بطريقتك، اكسر المألوف واختار اختيارات مختلفة، يمكن تنفع المرادي! جدد واعمل حاجات بتجربها لأول مرة، هاتخسر إيه؟!».

حدد خطط واقعية وخد خطوات واضحة لتحقيقها:

«جزء مهم في مهارات الصلابة النفسية إنك تقدر تأكد حقوقك من غير ماتبقى عنيف أو سلبي وخانع، حدد انت عاوز إيه و إيه الإمكانية المتاحة في الواقع وخد خطوة، ماتقولش نفسي أعمل ونفسي اكون وماتضحكش على نفسك بأحلام اليقظة، لكن خد تحدي واضح وابدأ في الكورس أو الرياضة أو المهمة اللي أنت عمال تأجلها بقالك 7 سنوات».

ركزوا قوي فى الخطوات دى وبكره هنكمل انتظرونا كل يوم وغرفه الدور الرابع على بوابه المواطن

اقرأ أيضا غرفة الدور الرابع|جيهان الأصيل تنصح بأهمية المناعة النفسية

أخبار تهمك

ads
ads
ماهو أفضل مسلسل حتى الأن في رمضان 2019؟

ماهو أفضل مسلسل حتى الأن في رمضان 2019؟
ads
ads
ads
ads
ads
ads
ads
ads
ads
ads
ads