حلت الفنانة والراقصة هندية ضيفة في أحدى البرامج التليفزيونية، لتعرف الناس بها وتتحدث عن حياتها الشخصية والفنية وأبرز المواقف التي تعرضت لها وقصة إرتدائها الحجاب وخلعه مرة أخرى.

تحدثت "هندية" عن إرتدائها الحجاب والنقاب قائلة :"أنا إعتذرت مهنة الرقص نهائيًا بعد وفاة أخويا بأسبوع، قلت ربنا بعتلي إشارة ومن ساعتها مرجعتش تاني".

وأضافت :" بغض النظر عن زوجي أيمن السويدي، ووفاة أخويا، أنا من جوايا كنت عايزة أعتزل الرقص، لأننا كنا كل رمضان بنعمل بروفات شهر بحاله، كنت طول الوقت عندي تردد إني أكمل في المهنة وعندي هاجس ديني، ولما جت وفاة أخويا خدت القرار نهائي".

وأوضحت :"تزوجت من دكتور جامعة لمدة 11 سنة، وكان بيدعمني وبيساعدني، كنت بقوله هلبس حجاب كان يوافق، حتى أنا لبست نقاب لمدة 3 سنين، والموضوع بدأ إني كنت قاعدة في الجامع وبصلي وواحدة جت رمت كُتيب في حجري، وأول حاجة قرأتها إن لازم الست تلبس كفن قبل الوفاة، أنا أترعبت ونزلت لقيتهم بيبيعوا الملحفة جبتها ولبستها، وقلعته لما تعبت وجالي حساسية صدر، وروحت لـ دكتور قالي اقلعي النقاب وأنا مسؤول".

الفنان الراحل أحمد دياب والتخلي عن الحجاب

وتابعت :" الفنان الراحل أحمد دياب، هو من أقنعها بالتخلي عن الحجاب، موضحة: قابلت الفنان أحمد دياب رحمة الله عليه، قالي يا أبيض يا أسود، يا تقلعي الحجاب خالص علشان تمثلي يا تقعدي في البيت، وقلعت الحجاب بعد 11 سنة".

كما تحدثت هندية عن زوجها الراحل رجل الأعمال أيمن السويدي وأنه تزوج أكثر من فنانة، معلقة :" تزوج بعدي الفنانة ذكرى، ومكنش فيه أي غيرة، لأن ذكرى، كانت طيبة خالص وصاحبتي جدًا الله يرحمها، وكنت بقعد معاها كتير أوي قبل ما تتجوزه، ولما اتجوزته مزعلتش".

وتابعت :" كان بيقول مش عايز ولاد من فنانة، ووقتها قولتله أنا اللي مش عايزة، أنا سيبت الفن عشان ابقى أم وهو خد الحلم ده مني فسيبته بعد سنة من الإجهاض، كنت بحبه وبسمع كلامه في كل حاجة بس هو كان طايش وأنا كنت طايشة وأحيانًا بنندم على قرارتنا دي".