نشر إسلام سعد مقطع فيديو عبر حسابه الرسمي على "فيسبوك" وهو يفاجئ زوجته، يحمل الفيديو أحداث تشبه مشهد الفنان "أحمد عز" مع الفنانة "دنيا سمير غانم" بفيلم 365 يوم سعادة، هكذا علق رواد التواصل الإجتماعي.

اقرأ أيضًا: أغنية جديدة وظهور إعلامي.. ليلة مميزة لـ"مسار إجباري"

علق على الفيديو قائلًا: "طبعا إسراء فاكره أن عيد ميلادها وعيد جوازنا الثامن عدا كدا وخلاص من غير ما احتفل معاها بي أو أعملها أي مفاجأة زي كل سنه السنادي أنتي تعبتي واتمرمطي معايا حرفيًا لو أطول أجبلك نجمه من السما مش هتوفي تعبك ووقفتك في ضهري طول السنين".

تابع: "في ياست البنات كان عندك حلم قديم بس أنتي نستيه بس أنا عمري ما أنسى أي حاجه أنتي حلمتي بيها ونفسك فيها، كنا من كام سنه بنتفرج أنا وأنتي على فيلم ٣٦٥ يوم سعاده ووقتها فاكر أنك دمعتي وقلتي الله نفسي في مفاجأة زي كدا وأنا لحد دلوقتي مش ناسي وقلت أكيد هيجي عليا اليوم اللي تكون أمكانياتي تسمح وأحققلك حاجه كنتي بتحلمي بيها".

واختتم المنشور بطلب من المتابعين بالدعاء له ولزوجته، وتقديم التهنئة لإسراء بعيد ميلادها.