تحدث الفنان محمود العسيلي عن الفرق بين الأصوات وعن الصوت الشتوي والصيفي، كاشفًا عن وجود أصوات أخرى.

قال محمود العسيلي، خلال استضافته مع الإعلامية ياسمين عز في برنامج «كلام الناس»، المذاع عبر شاشة  «ام بس سي مصر»: «في صوت ربيعي وفي صوت خريفي».

وأضاف: «الصوت الخريفي بيجي بقى زي إن لما تتساقط أوراق الشجر، بتتساقط الأحبال من الحنجرة، أما الصوت الربيعي بيكون فيه الأزهار بتطلع، والنحل بيجي بقى، في بقى صوت شتوي وصوت صيفي طبعًا».

وتابع: «الصوت الشتوي بتاعك طبعًا، وكمان في الصوت الرعدي، صوت الرعد ده موجود بجد، ممكن مراتي تعملي صوت رعدي كده».

كما انتقد العسيلي مدافعة ياسمين عز المستمر عن الرجال قائلًا: «أنا مختلف معاكي تمامًا، أنت عماله تقوليلهم كده كل يوم لما إتهرينا، الست الذكية حتى لو قفشت جوزها تعرف تتعامل معاه بذكاء أو حتى بخبث، لكن في نفس الوقت تعرف تحافظ على بيتها وجوزها».

أخر أعمال محمود العسيلي

ويذكر أن أخر أعمال محمود العسيلي أغنية «الدلوعة»، التي طرحها في أغسطس الماضي، وحققت مشاهدات عالية جدًا بعد ساعات من طرحها، والأغنية من كلمات ملاك يحيى، وألحان محمد يحيى، وتوزيع علي فتح الله.