وفاء سالم: تعرضت للتحرش من قبل أقاربي
الأربعاء 11/يناير/2023 - 05:17 ص
وفاء سالم
آية رأفت أبوهاشم
طباعة
كشفت الفنانة وفاء سالم عن ذكريات أليمة خلال طفولتها ، وذلك عبر فيديو بثته على قناتها الرسمية بـ"يوتيوب"، لافتة إلى تعرضها للتحرش من قبل أقاربها وأهلها.
وقالت "وفاء" خلال الفيديو: "وأنا صغيرة كنت أحب أقعد تحت ترابيزة السفرة، وكنت بسمعهم وهما بياكلوا، وكانوا بيعتبروني قطتهم السيامي اللي بيلعبوا بيها، كانوا بيقعدوني على حجرهم وينقلوني من حجر لحجر، ولما كانوا بيحضنوني كانوا بيوجعوا جسمي النحيل، كنت ببقى عايزة أزقهم مش قادرة مش مستحملة”.
وأضافت الفنانة وفاء سالم أنهم كانوا يقومون بتقبيلها دون رغبتها، مستكملةً: "لما كانوا بيبسوني كان غصب عني بمسح البوسة من على خدي، وكانوا بيسألوني ليه بمسح البوسة انت مش بتحبينا؟ بوستهم كانت بتشوكلي خدي، وريحة نفس السجاير منهم كانت بتضايقني، كنت ببقى عايزة أهرب أخرج من كل العالم ده، وأكتر حاجة لسة فاكراها لغاية دلوقتي وبتوجعني جدًا وعاملة جرح في قلبي لما كان بعض الأغراب والقرايب بيقعدوني على حجرهم وينتهكوا طفولتي البريئة بقسوة ووقاحة، في الأول ماكنتش بفهم كنت أتكسف أتكلم، كل ده شريط بيلف في دماغي عمري ما نسيته”.
وكانت وفاء سالم، بطلة فيلم النمر الأسود، أعلنت مؤخرا اعتزالها الفن، عبر فيديو نشرته على موقع "يوتيوب"، وقالت إن الأسباب ستعلنها تباعاً وترد على جميع أسئلة المتابعين، موضحةً أنها منذ الصغر لديها مشكلة مع الكذب، وتفشل دائماً في الادعاء أو قول شيء غير الحقيقة، ما جعل قرار الاعتزال يراودها كل فترة، حتى اتخذته بشكل نهائي، لتكون حقيقية تماماً.
