عارفة عبد الرسول تكشف تفاصيل لأول مرة عن حياتها الشخصية
137
حلت الفنانة عارفة عبد الرسول ضيفة ببرنامج واحد من الناس، الذي يقدمه الإعلامي عمرو الليثي، وكشف خلال اللقاء كواليس مسلسل اللعبة، فصلاً عن بعض تفاصيل حياتها.
عارفة عبد الرسول مع عمرو الليثي
قالت الفنانة عارفة عبد الرسول خلال الحلقة:«أنا من مواليد حي الإبراهيمية بالإسكندرية لكني اتربيت فى حى الحضرة، وبابا سمانى عارفة على اسم جدتى وكنت مش بحب الاسم، وكانوا بيندهولى فى العائلة بميرفت، واكتشفت بعد كده إن الاسم حلو».
وتابعت عارفة عبد الرسول:«والدي كان بيديني فى الاسبوع 25 قرش، وكنت بحوشهم واشتريت بيهم حاجات ليا، وبابا تعب من البقالة فقولت ليه نغير يا بابا نعمل محل كوافير فقال لى مش شغلانتنا، فقولت ليه اتعلمها وفعلًا روحت اشتغلت فى كوافير سنة بدون مقابل، واشتغلت مع الفنان وحيد سيف كان بيعمل مسرحية فى الإسكندرية».
وأضافت:«أعمامى 7 وأبويا أصغر واحد فيهم وفتح محل بقال، وكان بيوقفنى فى المحل مكانه لإنه كان شاب وذواق بيروح للسينما ويسيبنى فى المحل وأنا فى سن 3 سنوات، ولم أعيش طفولتى، وأول مرة أركب ملاهى فى حياتى كان فى مسلسل اللعبة».