خواطر عماد السعدني "الأنانيون بيننا: كيف تكتشفهم وتتجنب استنزاف طاقتك؟"

خواطر عماد السعدني "الأنانيون بيننا: كيف تكتشفهم وتتجنب استنزاف طاقتك؟" .

في ناس كدا هتقابلك متعرفش غير إنها تاخد وبس ؛؛ الناس دي بيكونوا مصَاصِين لِطاقتك وجُهدك ؛ وعايزين الكُون كُله يدور حواليهم هُمَّ فقط ؛؛ ويوم ما تحتاجلهم في شيء أو وقعت في مِحنة مش هتلاقي حد فيهم ؛ ومش هيكون عندهم أدنى ذنب بتقصيرهم معك ؛؛ ومش هتعرف تتهمهُم بقِلة أصلهم ! لأنهم عندهم فنون وحِرفية الرد اللي هو إسمه قلب الترابيزة !!  الناس دي بتكون موجودة فى حياتك كفيفة القلب والرُوح ؛ مش بيشوفوا غير إحتياجاتهم بدون تفكير ولا مراعاة لغيرهم ؛؛ بيملكُوا كم كبير من الأنانية ودي بتكون صِفاتهُم اللي هتلاقوها مُشتركة فى ناس كتير اللى أثبتتلك الأيام إن كان خسارتهم مكسب لك ؛؛ وفي الأخير اللي مقدملك بواقي وقته ؛ إتنازله عنه وسيبهوله يشبع به ! .