أول ظهور لـ خطيب عروس بورسعيد المقتولة خلال زيارته أسرته

روح عيني راحت يا رب أروح لها.. أول ظهور لـ خطيب عروس بورسعيد المقتولة خلال زيارته أسرته:
وحشتيني يا فاطمة أوي، والله ما فيه حاجة وجعـتني في الدنيا قد فراقك، فاطمة أطهر إنسانة ممكن تشوفوها على وجه الأرض وأطيب قلب .

سامحيني يا فاطمة إني نمت وسيبتك، طيب كنتي تعالي صحيني، ما إنتي كل مرة تيجي تصحيني وترازيني اشمعنى المرة دي يعني، خـطر إيه في دماغها وراحت فين ومين اللي كلمها .

أمها كانت فين وأمي كانت فين والناس فين والسبب إيه! حسبي الله ونعم الوكيل، أنا بحبها بحبها ومقدرش أعيش من غيرها محدش يقدر يعيش من غير روحه

أنا قبل ما أقابل فاطمة كنت شاب بايـظ وماليش ريحة اللازمة، ولما حبتها غيرتني جامد وعودتني أحافظ ع فلوسي وأشتغل هنا وأشتغل هنا .

الطرحة اللي لابسها على رقبتي دي الذكرى الوحيدة باقيالي منها، وآخر موقف ليا معاها واحنا بنشتري السحور قبل ما تمـوت بيوم كانت معايا واشتريت سحور بـ ٣٦٠ ج وكنت حاسس إن السحور مش هيقضي وهي قالتلي كفاية هيقضي، وجينا لما حطينا الأكل لقيت السحور قليل ف زعـلت وقومت وهي جت ورايا المطبخ وقالتلي ما تزعلش، قولتلها سيبيني دلوقتي مالكيش دعوة بيا، وسابتني وخرجت

لما دخلت هي وأمها الاوضة علشان تنام أنا حسيت إني زعلـتها ف دخلت بوست راسها قدام أمها وقولتلها ما تزعليش، ويوم ما اتقــتلت الصبح قولتلهم أنا داخل انا ومش عايز فاطمة وشهد يدخلوا يرازوا فيا وصحيت لقيتها مـ ـاتت، يارتني ما سيبتها ونمت..

تفاصيل حادث واقعة عروس بور سعيد:
واقعة مأساوية عُرفت بـ "لغز عروس بورسعيد"،  الفتاة تدعى فاطمة ياسر خليل (16 عاماً)، وقع الحادث في الأيام الأولى من شهر رمضان بمنطقة "الكاب" جنوب بورسعيد.
 كانت فاطمة في زيارة عائلية لمنزل خطيبها لتلبية دعوة إفطار رفقة والدتها، وبسبب تأخر الوقت قررتا المبيت هناك. في الصباح، اختفت الفتاة ثم عُثر عليها جثة هامدة داخل شقة الزوجية التي كانت لا تزال تحت الإنشاء في الطابق العلوي.
كشفت التحريات والطب الشرعي أن الوفاة ناتجة عن الخنق باستخدام "طرحة" أو غطاء رأس كانت ترتديه الضحية، مع وجود كدمات وجروح تشير إلى مقاومتها قبل القتل.
 اتهمت التحقيقات "دعاء" (زوجة شقيق خطيبها) بارتكاب الجريمة بسبب خلاف على شقة الزوجية؛ حيث كان هناك مقترح بأن تنتقل المتهمة وزوجها لشقة أصغر لترك الشقة الأكبر للعروس الجديدة، مما أثار حقدها.
الإجراءات القانونية: ألقت السلطات القبض على المتهمة التي مثلت الجريمة أمام النيابة، بينما تم إخلاء سبيل الخطيب وأسرته بعد تحقيقات مطولة.

للمزيد حول واقعة عروس بور سعيد اضغط هنا 

للمزيد حول بوابة المواطن الإخبارية اضغط هنا