طباعة

وقالت «المنافسة كانت ضدنا هما في مسرح مصر، وطبيعة الممثلين عند أشرف عبد الباقي دمهم خفيف، إحنا مكنش دمنا خفيف كنا بنعافر والولاد المشتركين معانا مبيسمعوش الكلام أنا رايحة علشان المفروض أبقى واقفة في ضهرهم أنا وأستاذ بيومي فؤاد».

وأضافت «لما روحت كان أحمد فتحي مشي ومحمد لطفي عمل معانا مسرحيتين أو تلاتة بس مكانوش بيستجيبوا لحد فينا، ده عيب شباب اليومين دول أنهم بيقولوا لا أنا صح محدش يوجهني، إذا كنت أنا لحد دلوقت بتوجه يعني ممكن مخرج يوجهني، مدير تصوير يوجهني، عامل من عمالنا حبايبنا اللي بيبقوا معانا في الإستوديو، هما معندهمش دة علشان كده منجحناش وكمان كان في مشكلة إنتاجية وفنية».

جدير بالذكر أن أخر ظهور للفنانة هالة فاخر مسلسل طلعت روحي الذي يعرض على فضائية cbc ، بطولة «إنجي وجدان، نيكولا معوض، ميار الغيطي، هبة عبد العزيز، إنعام سالوسة، صفاء الطوخي، نهال عنبر، هبة عبد العزيز، إسلام إبراهيم، حمدي عباس، أميرة حافظ»، وهو تأليف شريف بدر الدين ومن إخراج رامي رزق الله.

وتشارك الفنانة هالة فاخر في مسلسل كلبش 3 بطولة أمير كرارة، هشام سليم، عمر الشناوي، دينا، محمد علي رزق، يسرا اللوزي وهو تأليف باهر دويدار ومن إخراج بيتر ميمي.

اقرأ أيضًا: فيديو|هالة فاخر ترد على منتقدي حواجبها:«ناس تافهه»