وجه الرئيس عبدالفتاح السيسي، رسالة إلى الشعب المصري، قائلًا: "الناس كتير بتهاجمنا وبتشكك فينا وفي بلدنا، يقولك خلي بالك دا مبيعلمكش، ومبيأكلكش، بس مش قال خلي بالك إنك فقير أوي، محدش قال كدا".

وأضاف "السيسي"، في مداخلته بمؤتمر الشباب المنعقد حاليًا في أسوان، ردًا على مداخلة سيدة تطالب بالاهتمام بأهل النوبة: "خلوا بالكوا أفغانستان رجعت، الصومال رجعت، في دول تانية هترجع، أنا جاي هنا عشان تفهموا أهل الشر مش عايزنكوا تعيشوا، يا ساتر على أهل الشر، بيقولك خلي بالك مش سائل فيك، ومقالش خلي بالك إنك فقير أوي، أه لازم نقول الحقيقة، إحنا فقرا أوي".

وأضاف "السيسي"، قائلًا: "ياريت حد يقول لكم إحنا فقراء أوي، يبقي إحنا هنبني ونكافح ونصمد، وهنقول لهم رغم فقرنا هنتقدم وهنبقى كبار، اوعوا تكونوا مش مصدقين إنكم مش هتكونوا بلد عظيمة، وكلنا إيد واحدة، مش عاوزين حد يخش بيننا"، وأن مصر هتبقى دولة عظيمة بشرط بينا كلنا من النوبة إلى جنوب سيناء إلى الإسكندرية، كلنا مع بعض، اوعوا حد يدخل بينا".

ويذكر أن المؤتمر الشهري للشباب انطلق في الجلسة الثانية اليوم السبت، بعنوان "الصناعات الصغيرة والمتوسطة"والذي يعقد بمحافظة أسوان تحت رعاية ومشاركة الرئيس عبدالفتاح السيسي وحضور 1300 شاب من شباب محافظات الصعيد فقط، وعدد من الشخصيات العامة والسياسيين والإعلاميين والوزراء.