عشان وزنك يبقي مثالي "بطلي تأكلي بالليل"
السبت 13/يناير/2018 - 08:33 م
محمد سعد
طباعة
إن الله جميل يحب الجمال.. عبارة تتردد على ألسنة الكثيرين دون تنفيذها..
الجسم نعمة من الخالق وأمانة يجب الحفاظ عليه، كثير من البنات لا تعى ذلك إلا بعد فوات الآوان.. زيادة الوزن احد اهم اسباب الكآبة للكثيرات من محبي الأكل.
بوابة " المواطن الاخبارية" تقدم لكن وصفه جديدة من أجل انقاص وزنك وانتى في بيتك ومن غير ما تتكلفي عناء الجيم.. ورغم سهولة هذه الوصفة الا ان الكثيرات لا يستطعن القيام بها الا وهي " بطلي تأكلي قبل ما تنامي".
تروي " م . ن" قصة تحدي لمواجهة السمنة، وتقول بصراحة انا مكنتش نحيفة جسمي كان عادي مقلبظة بشكل بسيط ومقبول لكن بعد وقت قصير اتفاجئت بجسمي اللي الهدوم مبقتش بتيجي علي مقاسة وكمان كرشي اللي شكلة بقى مستفز وبقيت اتكسف انزل مع صحابي،، ومن هنا بدأت رحلة التحدي واني لازم جسمي يبقي مثالي اينعم هضحي باكلات كتير بحبها بس كلو يهون عشان يرجع جسمي حلو ورشيق.
وتكمل قائلة، بدأت كل يوم الصبح اجري لمدة ساعة وبليل بروح الجيم، وابتعدت عن تناول الحلويات والبطاطس والعيش، واعتمدت فقط علي الخضار والفاكهة وشرب المياه، وأهم شيء انى " بطلت آكل قبل ما نام" بصراحة كنت مندهشة اوي من النتيجة، جسمي رجع تاني يبقي احسن والكرش ابتدي يختفي، وبعد ما كملت 30 يوم خسرت 15 كيلو من وزني في الوقت الصغير ده ووصلت للوزن المثالي 72 كيلو فقط.
