حرصت الفنانة نيلي كريم على حضور افتتاح مهرجان القاهرة السينمائي في دورته ال44، المقام في دار الأوبرا المصرية

وتحدثت نيللي كريم في تصريحات ل"دي أم سي" على فيلم "على الزيرو قائلة: "هنكمل الفيلم بعد رمضان، لأننا لسه مخلصناش وكل واحد بيحضر لمسلسل تاني".

وأستكملت: "رمضان القادم بجهز لمسلسل عملة نادرة، وهو مسلسل صعيديى إخراج محمد العدل وكتابة الدكتور مدحت العدل وإنتاج جمال العدل، وعملنا نجاحات كتيرة أوي من سنة لسنة".

وتابعت: "السنادي حبينا نغير ونعمل صعيدي، ودا دور جديد عليا وقلقانة طبعًا، لأنه محتاج شغل مختلف وفيه تفاصيل كتير جدًا بس لسه مش عاوزة أدوش نفسي دلوقتي بيها".

وأشارت نيللي أنها تقدم قصة ومن خلال القصة بيبقى في قضية، لكن مش ببحث عن قضية"، مؤكدة أنها لم تقوم بإختيار الأدواربمفردها وأنها تأخذ رأي المنتج والمؤلف.

وفي الختام تحدثت نيلي كريم عن لبلبة معلقة: "عاوزة أقولها مبروك وتستاهلي كل خير، لأن الفن عشقها، وهي فنانة حساسة جدًا وأعرفها على المستوى الشخصي وسافرت معاها كتير وبحبها وعارفة أد أي هيا بتحب الفن، وبقولها مبروك من كل قلبي".

ومن جانبه تشارك في الدورة الجديدة 52 دولة، وسط منافسة بين 97 فيلمًا طويلًا و18 فيلمًا قصيرًا و10 أفلام كلاسيكية، فيما يصل عدد العروض العالمية والدولية الأولى إلى نحو 30 عرضًا، و57 عرضًا ضمن العروض الأولى في الشرق الأوسط وشمال إفريقيا.