وأضافت فاطمة سعيد: "وكمان تكريم المجلس القومي للمرأة بفتخر بيه، وفخر ليا أني أمثل المرأة المصرية العربية، وفعلًا بحس إني سفيرة لبلدي في كل حتة، أنا مصرية جدًا من جوا، وأي تكريم بيجي من البلد كأن حاجة أثرت فيها جدًا وبسطتني جدًا".

واستكملت: "كان في موقف طريق أتعرضت له، فاكرة مرة كنت بغنى أوبرا سندريلا، فبذرة يوسفي وقفت في زوري، ومعرفش مخي قالي هركن البذرة في المكان اللى موجودة فيه واتحكم في نفسي بطريقة تخرج الهواء من القصبة الهوائية وصوتي ميتغيرش علشان البذرة متحركتش".

وكشفت "سعيد" عن الشخصية التي تحب سماع نقدها قائلةً: "أكتر شخص بحب أسمع نقده هو أختى، لأن ودانها الموسيقية خطيرة، وأكتر حفلات بحبها اللى بيحضرها 40 شخص بستمتع بيها أكتر من الحفلات اللي فيها 2000 شخص".