ياسمين عز: "الرجل الدمياطي الإفيهات عنده جاهزة"
السبت 28/يناير/2023 - 08:49 م
ياسمين عز تتحدث عن الزواج من دمياطي
أميرة صبحي
طباعة
نصحت الإعلامية ياسمين عز، السيدات اللاتي يتزوجن من رجل من محافظة دمياط، بالحفاظ عليه لما يتمتع به من إخلاص ومواصفات طيبة.
وقالت ياسمين عز فى برنامجها "كلام الناس" على قناة «ام بي سي مصر»: «إن أهل دمياط الطيبين وأهل الدفا وأن الراجل الدمياطي رزق ويعظم زوجتة دائماً ومعجب بها وأجمل وأهم ميزة فيه أنه مخلص ولديه أكثر من عمل ممكن أن يعمل في الصباح مهندس وفي المساء يعمل نقاش كبير».
ياسمين عز تتحدث عن الزواج من رجل دمياطي
وأضافت: "الست اللى متجوزه دمياطي ست محظوظة لأنه هو رجل دافي مكدبتش اللى قالت عليه كده والله، الراجل الدمياطي دايما الايفهات عنده جاهزة وقادر فى ثانية يخرجك من أي مود وحش"، لافتةً إلى أن الرجل الدمياطي خفيف الدم ولا يوجد مثله ابداً وأن ذهنه دائما حاضر.
وتابعت مقدمة برنامج كلام الناس، أن الرجل الدمياطي رجل مستقيم وصادق، معلقة:"ملوش فى شغل اللف والدوران وميكرهش في حياته اد الكدب عشان كدا مستحيل انه يكذب او يحور عليكى، متلاقيهاش فى حد دمياطي، وعلى رأي المثل من الزرقة لفلسكور الشك في الرجل الدمياطي محظور".
وأكدت أن الرجل الدمياطي حنين، قائلة: "ولو اكتشف فى يوم إنه غلط فى حقك معندوش أدنى حرج نهائى إنه يعترف بغلطه ويعتذر لك ويطيب خاطرك و يطبطب عليكى، شوفى الجمال، وعلى رأي المثل من رأس البر لكفر سعد الدمياطي طول عمره وش السعد".
ولفتت، إلى أن الزوج الدمياطي لديه ميزة لا توجد عند غيره أنه دائماً فخور بزوجته بمناسبة أو من غير مناسبة ويشعر دائماً أنها مهمة، معلقةً: "دايماً مراته تحس إنها مهمة جداً أو ست خارقة سوبر وومن وأنها قادرة تعمل اللى مفيش ست فى الدنيا تقدر تعمله غيرها".
كما أشارت إلى أن الرجل الدمياطي قنوع قائلة:"لو عاملتى له بس بيضتين محمرين ولا مسلوقين يااااه يقول فيكى قصايد غزل ولا كأن ه بيفطر فى اوتيل 5 نجوم وكمان كسيب ومعندوش مشكلة ينزل يتعلم صنعة بالرغم إنه معاه شهادة وشهادة عليا كمان تخيلي".
